Ram kang nasa taka tuartu, Australia New South Wales thuneitute chuan kangmei chhuak zawng zawngte chu thunun vek a ni ta tih an puang.

NSW Rural Fire Service chuan hun khirh tak leh hau tak tak an paltlang thei chu thil lawmawm tak a ni an ti a, kangmei \helh mih kim a nih theih tak chhan hi tunhnaiah ruah nasa taka a sur vang a ni pakhat a ni. Sydney ah chuan ruah nasa taka a sur avangin khawsak phung a ti khaihlak a, tun kar tawp lamah thli pawh tleh tura hmuh lawk a ni a, NSW bakah Queensland chhim lamah te chuan thlipui tleh vangin tui a lian thei dawn nia hmuhlawk a ni bawk.