Ram puma Congress party President thar thlanna chuh tumte tan tun thla ni 10 atangin hun hawng dawn

0
324
views

Ram puma Congress party President thar thlanna chuh tumte tan tun thla ni 10 a\angin hun hawn a ni dawn. An party Central Election Authority chuan hei hi a ruahman fel tawh a, mahse Pi Sonia Gandhi-i leh party thuneitu sangin an pawm a la ngai nia hriat a ni a, hei hi Congress President thar atana Pu Rahul Gandhi hlan kaina tur nia ngaih a ni. Ruahman dan chuan Congress President thlanna hi mi pakhat aia tamin an chuh chuan, result puan thlengin October ni 25-ah zawh fel hman vek tum a ni a, mahse tun hnaia din, Pradesh Congress Committee member-ten candidate pakhat chauh an neih chuan, inhnuhdawh theih hun tawpah chuh lohva tlingah puan mai a ni ang. Ruahman dan chuan he inthlannaa vote nei, electoral college-a tel, PCC member-te chu state khawpuiah emaw, Delhi-a AICC office-ah emaw, October ni 10 aia tlai lovah an mi rawt duh hming pe l<t tura tih an ni ang. Hemi chungchang hi an party Central Election Authority Chairman, Mullappally Ramachandran leh member pahnih – Madhusudan Mistry leh Bhubaneswar Kalita-a’n vawiin khan Pradesh Returning Officer-te an sawipui a ni. Kum tam takchhung chu Congress President-te hi chuh lohva thlan an ni tawh a, mi pakhat aia tamin an chuh ve pawhin, a hming deuh mai a ni \hin a, kum 2000-ah pawh khan Sonia Gandhi kha an party Vice President hlui, Jitendra Prasada khan a khing ve na a, Pi Sonia Gandhi khan vote 7,771-ah 7,448 a hmu a, Prasada khan vote 94 a hmu a, vote thi 229 a awm a, vote thi zat pawh a hmu ph^k lo a ni. Kum 1997-ah pawh khan CWC member langsar tak tak – Sharad Pawar leh Rajesh Pilot khan Sitaram Kesri kha an khing na a, Pu Kesri khan vote 6,224 a hmu a, Pu Sharad Pawar-a’n vote 882, Pu Rajesh Pilot-a’n vote 354 an hmu a ni. BJP-ah pawh a din tirh, kum 37 kal ta a\ang khan vawi khat mah, an President hi inchuh leh vote thlaka thlan an la awm lo bawk a, CPM leh CPI hotu lu ber, General Secretary te pawh inlungrualnaa vuah rem an ni zel bawk.