Ramri kana Mexico a\anga US-a dan loa luh vanga thuneitute’n an hren mek, Guatemala mi hmeichhe naupang kum 7 mi chu tui hal vangin kar kalta khan a thi tih hriatchhuah a ni.

Hmeichhe naupang hi a pa leh midang 162 nen New Mexico thliarkar paltlangin US an lut a, dan loa lut an nih vangin US Customs and Border Protection chuan kar kalta ningani zanlam dar 10 khan an hreng a, zinglam dar 6 velah a kaih avangin damdawi lam thiamte’n an endik a, damdawiinah pawh an hruai thu leh enkawlna \ha tak pek a nih thu US Customs and Border Protection thuneitute chuan an sawi a, hmeichhe naupang hian ni eng emaw zat chu tui emaw chaw emaw a ei tawh lo nia an hriat thu leh a chhungte an tawrhpui thu an sawi a ni.