Robert Mugabe-a’n ban la tum lo

0
490
views

Zimbabwe President, Robert Mugabe chu a kaihhruai rorel lai pawlin bang turin vawiin khan a ti a, a ban loh pawhin paih thlak an tum. Niminah khan Mugabe hi TV-ah thu sawitir a ni a, a ban thu a puan rin ni mah se, ban a tum loh thu leh, an party inthlan lo awm tur chu kaihhruai a tum thu a sawi a, amah hrengtu leh thuneihna inpetu, sipai hotute thiltih chuan a \ha zawng emaw leh \ha lo zawng emawin an ram nghawng dawn pawh ni se, an lungawi lohnate chu a hriat thiam thu a sawi a, Zimbabwe ram mite inlungrual a ngaih thute leh an ngaihdan \awm ve lotute an ngaihdam a pawimawh thute a sawi a ni. Zimbabwe sipai hotu hlui, Chris Mutsvangwa chuan Mugabe-a thusawi leh an harsatna tawh mek chu inkaihhnawih lo hle niin a sawi a, mi \henkhat chu a thusawi avang hian Mugabe lakah an thinur thar hle a, tualchhung buaina a chhuah mai a hlauhawm \an niin mithiamte chuan an sawi a ni. Rorel lai, Zanu-PF chuan Mugabe hi an party hruaitu a nihna an hlihsak tawh a, President a nihna a\anga a ban theih hun hnuhnung ber atan vawiin tlai kha an tiam rualin, hemi chhunga a ban loh chuan paih thlak a nih tur thu an sawi a ni.