Rohingya muslim-te chungchangah Myanmar leh Bangladesh inrem

0
292
views

Myanmar rama Rakhine state-a buaina thleng avanga Bangladesh-a tlanchhia, Rohingya mite, an rama thawn kir leh chungchangah Bangladesh leh Myanmar-in inremna an siam. Myanmar khawpui, Nay Pyi Taw-a ram pahnih sorkar hotute’n inremna thu an thlun chungchang hi kimchang taka hriat a la ni lova, Bangladesh chuan hei hi a bul \anna niin a sawi a, Myanmar chuan Rohingya raltlante hi lo dawngsawng turin a inpeih reng tawh niin a sawi a ni. Chhawmdawltu pawl \henkhat chuan raltlante hi him taka Myanmar-a thawn let an ni dawn tih hriat chian theih a nih loh chuan thil tih chi-ah an ruat lo a, puan tawh \hin angin, August thla tawp lama Rakhine-a sipaite leh Rohingya hel pawl, Arakan Rohingya Salvation Army inkara buaina a chhuah thar leh hnu a\ang khan Rohingya ral tlan 6,00,000 vel chu Bangladesh lamah an tlanchhe tawh nia hriat a ni. BBC sawi danin, US Secretary of State, Rex Tillerson chuan nimin khan hnam hnuaihnung leh tenau zawk, Rohingya-te chuanga Myanmar sipaite chet dan chu hnam insuatna chi khat anga ngaih theih niin a sawi a, kar kal ta khan Myanmar sipaite chuan Rohingya chungchanga buainaah hian mawh an phur lo niin an sawi a, Rohingya mite that a, an in leh lo hal sakah leh an hmeichhiate pawngsuala puh an nihna chu an hnawl fithla a, amaherawhchu hei hi a hmuna endiktu, BBC mite tawn hriat nen chuan a inpersan hle a, sipaite hian Rohingya-te hi an tirethei hle tih an finfiah tawh a ni.