Ruah sur nasa vangin Hyderabad-ah mi 3 thi

Hyderabad-ah ruah sur nasa avangin mi 3 an thi. Thuneitute chuan thi zinga 2 te hi pa pakhat leh a fa, thla li mi chauh a ni tih an sawi a, an chenna ina an awm laiin bang chimin a delh hlum niin an sawi. Thi dang pakhat hi kawng sira motor ding lai a khawihna lamah, electric current-in a man hlum niin an sawi bawk. Police-te chuan he motor hi electric hrui thlunna thirban nen a insik avangin current hi a kal tlang nia an hriat thu an sawi. Hyderabad-ah hian ruah a la sur zel dawn nia hriat a nih avangin zirna in zawng zawng pawh khar vek a ni a, India Metrological Department chuan nimin khan ruahsur hi darkar li chhungin mm 67.6 a tling hman tih an sawi a, Hyderabad leh a chhehvelah hian a aia nasain ruah a la sur dawn niin an sawi bawk. State CM K Chandrasekhar Rao chuan eng hun pawha chhawmdawl hna thawh inring reng turin police-te hriattir an ni tawh tih a sawi a, chhiatna lian tham a thlen loh nan mipuite pawh inralring reng turin a ti bawk a ni.