Russia-ah coronavirus kai thar nitin an pun belh zel a, ni thum chhungin mi 7,933 kai thar an awm.

0
24
views

South Africa-ah chuan hri leng vanga inkharkhip hman mek chu hlih a ni a, hetihlai hian US chuan Afghanistan chu coronavirus leng vangin an buai thei hle dawn tih a sawi.

Coronavirus vangin Europe ram sum leh pai dinhmun chu first quarter-ah zaa 3.8-in a tlahniam a, kum 1995 a\anga a tlakhniam nasat ber \um a ni.

Khawvel pumah coronavirus kai mi maktaduai 3, nuai 2, sing 5, sang 7,026 an awm mek a, mi nuai 2, sing 3, sang 3,381 an thi tawh a, mi nuai 10, sing 1, sang 4,574 enkawl dam an ni tawh a, enkawl lai mi maktaduai 2, sang 9,071 an awm mek bawk.

Indonesia-ah chuan hri kai thar mi 433 hmuh belh an ni a, heng mite nen hian hri kai mek mi sing 1, za 551 an awm a, mi 800 an thi a, mi 1,591 enkawl dam an ni tawh a ni. Indonesia-ah hian mi sing 7, sang 6,500 te endik an ni tawh a ni.

Philippines-ah pawh coronavirus kai thar mi 284 an awm belh a, mi 11 an thih belh bawk a, mitthi zawng zawng hi mi 579 an tling tawh a ni. Philippines-ah hian coronavirus kai mi 8,772 an awm a ni.