Russia-in ram dang palai 23 hnawtchhuak leh

0
319
views

Russia-in an ram chhunga ram dang palai awm mek mi 23 chu Zirtawpni khan a hnawtchhuak ve leh. Germany leh Poland ram-te chuan Russia hian an ram palai 4 a hnawtchhuak tih an sawi ve ve a, ram dang palai a hnawhchhuah sak zingah Netherlands, Sweden, Czech Republic, Finland leh Lithuania-te pawh an tel a ni. Netherlands Foreign Minister, Stef Blok chuan hetianga Russia-in thil a tih hi an lo rin lawk tawh sa a nih thu leh thil mak a nih loh thu a sawi a, he buaina in\anna, Russia mi, enthlatu \hin Sergei Skripal leh a fanu tûr hmanga beih an nih chungchang chhui chianna-ah inhawng takin Russia-in UK sorkar thawhpui thei se an duh thu te a sawi bawk a ni. Hei bakah hian Russia chuan an ram chhunga UK sorkar hnathawk awm zat chu thla khat chhunga titlem turin a ti bawk a ni. Hemi chungchangah hian Russia chuan Ningani kalta khan US sorkar palai 60 a hnawhchhuak tawh bakah St Petersburg-a US sorkar hmun pawh khar turin a lo ti tawh bawk a ni.