Russia-in Venezuela-a sorkar leh eptu pawl te inremtheih nan hmalak a tum thu a sawi a, US chu inrawlh lo turin a vaukhan bawk.

0
424
views

Venezuela President nilai Nicolas Maduro leh president lailawk-a inpuang Juan Guaido-te inkara buainaah hian khawthlang lam ram nawlpuiin Guaido lam an \an laiin, Russia chuan sorkar dinglai nena inkungkaihna \ha tak neiin Maduro lam a \ang a, Russia Deputy Foreign Minister Sergei Ryabkov-a chuan he buaina hi chinfel a nih theih nan \anpuina pek an inhuam thu sawiin Venezuela ramin sum leh eitur tlachhama hun khirh tak a tawh mek hi chinfel a nih theihnan rawtna a siam thu a sawi.

Thawhlehni khan eptu pawl thlawptu mipui te’n kawng zawhin Maduro chu an rama \anpuina, eitur leh damdawi te lakluh remti turin an nawr a ni. Russia Foreign Minister Sergei Lavrov chuan US Secretary of State Mike Pompeo chu phone-a bia-in Venezuela ram chhunga buainaah engtizawng mahin, sipai hmang emaw pawha inrawlh lo turin a hrilh a ni. US in ram pawn lam te endikna hnuaiah Venezuela inthlanna buatsaih nise tih UN Security Council-a a rawt mek laiin, Russia hian rawtna dang a neih thu hi a sawi a ni.