Russia model-in Trump leh Russia inkar thuruk hria niin sawi

Russia mi, hmeichhe model pakhatin US President Donald Trump leh Russia inlaichinna a hailan theih thu leh, Thailand tan-in atanga khul chhuak theitu hnenah engkim puan a inpeih thu a sawi. He model, Anastasia Vashukevich hi Russian mi hausa tawntaw, Oleg Deripaska leh Deputy Prime Minister, Sergei Prikhodko te nena lawnga an intawllen lai video thlalak a thehdarh avangin hriat a lo hlawh hle tawh a, Thailand-ah hian mipat hmeichhiatna lama mi thiam anga insawiin, zirtirna te a pe thin a, a hnathawh chungchangah hian Thailand Police-te chuan nimin khan an hreng a, an hrenna hmun atang hian US chanchin thar lakhawmtute leh Intelligence Agency-te puihna dilin, a damsam loh avangin Thailand chu chhuahsan a duh thu leh, a kawppui thin, Deripaska hian Donald Trump-a campaign Manager, Paul Manafort a chhawr ve thin avangin, thuruk tam tak a hriat thu leh a puang thei awm chhun a nih thu te a sawi bawk a ni.