Finland-a Russia President Vladimir Putin nen an inbiakna ah hian Trump-a chuan US inteligence agency te hmuh dan hnialin, Russia chuan inrawlhna tur chhan \ha tawk a nei lo a ni a ti a, Republican hruaitu, House Seaker Paul Ryan chuan President hian Russia hi US lam \ang a ni lo tih a hriat a ngai a ni a ti a, US leh Russia te chuan inanna an nei lo a, Russia chu US kalphung dodaltu lian tak a ni reng a, kum 2016 inthlannah Russia a inrawlh tih chu phat rual a ni lo a ni a ti. National Intelligence Director Dan Coats pawhin Russia chu US democracy tih chhiat tuma beitu a ni tih a sawi ve nghal bawk a, Democratic hruaitu Chuck Schumer chuan President chu US hmelma te ti chak-a US himna ti derthawngah a puh a ni. CIA Director hlui John Brennan chuan Trump-a press conference chu thil dang ni lovin ram phatsanna nasa tak a ni a ti. Hetihlai hian Vice President Mike Pence chuan President hi \anin, ram pahnih inkara inhriatthiam lohna awm te an sawi dun a, America mipuite chuan Trump-a hian America a dah hmasa ber reng tih an hmu chiang a ni a ti ve thung.
US President Doland Trump leh Russia President Vladimir Putin te hi darkar hnih dawn an inkawm a, an inkawm zawh hnua chanchinbumite an kawmnaah chanchinbumite chuan ama inteligence te hmuh dan chu a ring zo lo tihna a ni em tih an zawt a, hei hi chhangin Trump-a chuan President Putin a’n an inrawlh lo tih a hrilh chu rinawm tawk a ngaih thu sawiin, Russia inrawlh chhan tur a hre lo tih a sawi.
US intelligence chuan kum 2016-a US President thlanna ah khan Russia chuan Hillary Clinton a tlin lohna turin hma a la ngei tih a lo sawi tawh a ni. He thila inhnamhnawiha puh Russia sipai officer 12 te chu US aiawhten thu an zawhfiah a remtih thu President Vladimir Putin chuan Press Conference ah a sawi chhuak a, hetiang bawk hian Russia chuan US-a thu zawhfiah duh a neihte zawhfiah phalna a mamawh let ve a ni a ti.
