S President Donald Trump a’n China siam bungrua atanga chhiah lak belhah vau

0
517
views

Sumdawnna kawnga indona kal chho zelah US President Donald Trump a’n China siam bungrua Dollar Tld. 200 hu a\anga chhiah lak belhah a vau.

China in a thil tih dan a thlak danglam loh chuan China bungrua a\ang chhiah zaa 10-a tihpun a ni ang tih Trumpa chuan a sawi a, hei hian nghawng na tak a nei ngei dawn a, khawvel strock market te pawh a tlahniam nghal a ni. China chuan US chu dik lo taka thil tiah puhin, khawvel huap sumdawnna-a indona thlen tir tum anga inlantirah a puh let ve thung a ni. Trumpa chuan US leh China te insumdawntawnna ah hun rei tawh tak a\angin China chuan inbuk tawk lo takin hlawkna a tel bik niin a sawi a, kum 2016 inthlan campaign lai khan sumdawnna kawnga US in a hloh \hin chu siam\hat a lo tiam tawh a ni. Hetihlai hian mithiam zawkte chuan chhiah lak tihpun avang hian US mipuiten man to zawka bungrua an lei a ngaih phah dawn niin an sawi thung a, sumdawnna hmun \henkhat pawhin a tuar zawk dawn niin an sawi ve thung. Hapta liamta khan Trump-a hian China bungraw lakluh Dollar Tld 50 hu a\angin chhiah zaa 25 lak anih tur thu a puang a, hei hi Beijing chuan chhanglet nghalin, US siam chhuah Dollar Tld 50 hu thil chi hrang hrangah US in chhiah a lak zat chiah hi lak ve a nih tur thu a puang ve nghal a ni. Hei bakah hian Trumpa chuan America in thiam thil a neih, Intellectual property leh Technology te dik lo taka hmangah China a puh bawk a, China Commerce Ministry chuan US in dik lo tak leh awmze nei lova thil a tih chuan China chuan a rul let tawka thil a tih ve zel a ngai dawn a ni a ti ve bawk.