Samajwadi Party hruaitu, Azam Khan-a’n Rashtrapati Bhavan, Qutub Minar, Red Fort leh Agra Fort-te chu sal chhawrtute sak a nih avangin Taj Mahal ruala thiah vek duh

0
370
views

Taj Mahal chungchanga inhnialna kal zelah, Samajwadi Party hruaitu, Azam Khan chuan President chenna, Rashtrapati Bhavan, Qutub Minar, Red Fort leh Agra Fort-te chu sal chhawrtute sak a nih avangin Taj Mahal ruala \hiah vek chi nia a hriat thu a sawi. Puan tawh angin UP-a BJP MLA, Sangeet Som chuan Taj Mahal hi India ram chanchina thil mualphothlak leh ram phatsantute sak niin a lo sawi tawh a, UP sorkar pawhin an state chhunga zin mite tana hmun tlawh tur hmun hmingthang a tarlanah pawh a telh lo nghe nghe a, hei hian ram chhung leh pawn thlengin mi sawi a hlawh hle a ni. Azam Khan bakah hian an party hruaitu lu ber, Akhilesh Yadav leh Congress Vice-President Rahul Gandhi pawhin UP sorkar thiltih dan hi an lo sawisel tawh bawk a ni.