Sani Abacha sum eiruk Nigeria ram pe kir leh dawn

0
418
views

Nigeria rama roreltu hlui, Sani Abacha-a ei r<k, dollar mtd. 321 vel chu a neitu dik tak, Nigeria ram p>k kir leh a nih tur thu, Switzerland-in a sawi a, he pawisa hi a tirah chuan Luxembourg-ah dah ni mah se, kum 2014 khan Swiss court-in a chhuhsak a, nikum March thla khan Nigeria rama p>k kir leh nan hian thu an thlung a ni. Switzerland sorkar thuchhuah chuan, he pawisa tam tham tak hi Nigeria mipuite tana hman a nih theih nan Nigeria leh World Bank nen inremna siam a ni tih a sawi a, Abacha hi sipai lal, kum 1993 a\anga 1998-a a thih thlenga Nigeria rama roreltu a ni a, Nigeria Central Bank a\anga dollar tld. 2 leh vbc. tak hnih vel ei ru-ah ngaih a ni. Switzerland sorkar chuan, he pawisa hi Abacha-a fapa, Abba Abacha-a’n rochung mah se, dan ang thlapin chhuhsak a ni tih a sawi a, Nigeria rama pek kir leh a nih dan pawh World Bank-in a enpuiin a vil dawn tih a sawi. He thu puangtu, Swiss Foreign Minister, Didier Burkhalter chuan, ei r<kna do chu Switzerland ram thil ngaih pawimawh ber pakhat a nih thu a sawi.