Saudi Arabia-a tuialhthei sawngbawlna hmun drone hmanga beih anih hnuah Middle East boruak a \ang chho hle a, US Secretary of State Mike Pompeo-a’n Soudi Arabia ram hruaitute thil awmdan a sawipui dawn.

0
575
views

Inrinni-a khawvela tuialthei sawngbawlna lian ber Abqaiq beihna kha Yemen-a Houthi hel pawlten an tihah chhalin drone 10 hmangin an bomb tih an sawi a, hetihlai hian US chuan tuialhthei sawngbawlna hmun hi \um 17 beih a nih bakah dik taka kap thei ralthuam dang chi hnih hmanga kah a ni bawk tih an sawi a, drone emaw, Missile emaw hel pawlten an hman chuan Yemen a\angin a kap phak lo hrim hrim a ni an ti a. US Secretary of State Mike Pompeo chuan Iranin mawh a phur tih a lo sawi tawh a ni.

Iran Defence Minister Brigadier General Amir Hatami chuan he thilah hian Iran in inrawlhna engmah a nei lo tih a sawi thung a.

Iran inrawlha puhna chungchangah Hatami hian tuialhthei sawngbawlna hmun beih anih chhan chu Yemen leh Saudi Arabia ram te inngeih loh vang a ni tih a chiang mai a ni a ti a, hetihlai hian Saudi Arabia defence ministry chuan Iran sorkar a inrawlh ngei tih a sawi thung a, pawikhawihtute ralthuam hman pawh Iran ralthuam a ni ngei a ni a ti thung.

Iran President Hassan Rouhani chuan Houthi helpawl ten Saudi tuialhthei sawngbawlna an beihna chu Yemen-a indona a chawh chhuah ti tawp tawh tura Saudi Arabia vaukhanna a ni a ti a, Middle East-a buaina chawk chhuaktute chu Yemen mi te ni lovin, Saudi Arabia, Emirates, America, Europe ram \henkhat leh Israel te an ni a ti.

France President Emmanuel Macron chuan Saudi Arabia in a ngen angin Drone hmanga tuialhthei sawngbawlna hmun beih a nih dan zirchiang tur hian France mithiamte a tir dawn tih a sawi.

A ram chhunga tuialhthei sawngbawlna hmun beih anih hnu hian Saudi Arabia hian Middle East-a tuipui kawngte ti tlang turin US kaihhruai lawng sipai rualte hmalakna a puibawm ve dawn tih a puang a, tuipui himna kawnga hmalatu International Maritime Security-ah hian Australia, Bahrain leh UK te pawh an tel a ni.