Saudi Arabia-a tuialhthei sawngbawltu Aramco company hmun pahnih chu drone hmanga beih a nih vangin a kang a, Yemen-a Houthi hel pawlten an tih a nih thu an puang.

0
434
views

Kangmei chhuahna hi oil siam chhuahna Abqaiq leh Khurais a ni a, Aramco-a industrial security team-in \helhmih tumin hma an la a, a kan ral hma-in an \helhmit thei a ni.

Drone hmanga beitute hi chhui nghal an ni a, amaherawhchu, tun dinhmunah khawia a\anga lo kal nge tih hriat theih a la ni rih lo a ni.

Abqaiq hi Aramco Dhahran hqrs. a\angin km 60 velah a awm a, Saudi Arabia-a oil sawngbawlna hmun lian ber a ni. Helai hmun hi kum 2006 February thla khan Al-Qaeda ten thihchilh bomb hmangin an lo bei tawh a, security guard pahnih an thi a ni. Saudi Court chuan thihchilh bomb hmanga beih tirtu nia hriat mi pakhat chu thi turin a chungthu a rel a, midang pahnihte erawh kum 33 leh kum 27 chhung lung in tang turin an chungthu a rel bawk.

Khurais hi an hqrs. Dhahran a\anga km 250-a hla awm a ni a, thla kalta khan Aramco company ta, gas siamna hmun, Shaybah pawh Yemen Houthi hel pawlten an lo bei tawh a ni. Houthi hel pawl hian ramri pelin missile leh drone hmangin Saudi ram an lo bei tawh bawk a ni.