Saudi Arabia-ah hmeichhiate lirthei khalh phalsak an nih ve tak hnuah dan hnuaiah anmahni hming ngeia thil an tih ve theihna turin zalenna chi 12 pek belh leh an ni

0
379
views

 

Justice Ministry sawi danin tuna hmeichhiate hnena zalenna pek thar tak hnuaiah hian hmeichhiate chuan dan ang takin power of attorney te pe in an hnuklet thei bawk ang a, bungraw in hlan chhawn thuah lehkha pawimawh te finfiah theihna pek an ni bawk. Tunlai khawvel mil tura hmeichhiate thuneihna sang zawk pek kawnga hmalakna hi Crown Prince Mohammed bin Salman hmalakna a ni a, ram dangin Saudi Arabia an hmuh dan a dang lam theihna tur leh tuialhthei lama a hausakna \angkai zawka hmang thei tura hmalakna a ni. Hetianga kalphung thlak a nih hnu pawh hian hmeichhia te hian zalenna an la nei nep hle a, thutlukna ho te te, zirna ina inziak lut tur te, an passport renew tur te leh damdawia inenkawl turte pawhin an chhung khat hnaivai mipa te remtihna an lak a la ngai tho a ni.