Saudi Arabia-in kuminah ram dan bawhchhia mi 100 tihlum tawh

0
317
views

Saudi Arabia ramin kuminah hian dan bawhchhia, thiam loh chantir, mi 100 an tihlum tawh. Nimin khan Saudi Arabia khawpui, Riyadh-ah mi pakhat, tualthah avanga thiam loh chang chu khaihlum a ni a, hei hi kum chhunga mi 100 an tihhlumna chiah a ni. Amnesty International chuan hei hi na taka sawiselin, Saudi Arabia chu khawvel ram hrang hrang zinga mi tihlum hnem ber a nih thu leh, he ram thuneitute hian khawtlang nun siam \hat an duh tak tak chuan an tih tur hmasa ber chu mi tihhlum theihna dan tihtawp hi a ni zawk niin Middle East biala Amnesty Research Director, Lynn Maalouf chuan a sawi. Saudi Arabia hi Muslim sakhaw dana inrelbawl ram a ni a, tualthat, pawngsual, hriamhrei nena mi rawk, ruihhlo tawlh ru-te leh dan khap thil eng emaw zat bawhchhia te chu thi tura an chungthu rel theih a ni a, nikumah pawh khan mi 153 an khaihlum a ni.