Saudi Arabia-in robot hnenah a ram khua leh tui nihna pe

0
882
views

Mahnia thutlukna eng emaw siam thei tura duan, khawl thluak nei, mihring ruangam anga siam, Sophia tia koh robot chu Saudi Arabia-in a ram khua leh tui nihna a pe. Muslim sakhaw dan vanga hmeichhiate nekchepna ram, Saudi Arabia-in hmeichhe lem robot a khua leh tui nihna a pe hian sawi a hlawh hle a, Saudi Arabia danin a phut anga Sophia hmai tuam a ni lo leh, a viltu, mipa a awm loh avangin, Institute for Gulf Affairs Director, Ali al-Ahmed chuan a sawisel nasa hle a, Saudi Arabia ram mi, hmeichhe tam tak, an in pawh chhuahsan phal an nih loh vanga intihlum pawh tam tak an awm tawh thu te, Muslim mi ni lo, khua leh tui nihna pek an remtih loh laia robot mai maiin mihring aia chanvo tha a nei chu thil dik lo a nih thu a sawi bawk a ni.