Senior Lawyer Indira Jaising leh mi \henkhat dang ngenna ngaihtuahin Supreme Court in court rorellai mipuiten an hmuh ve theihna tura live streaming-a pek chhuah chu a remti tih a sawi.
Hemi chungchangah hian Central Sorkar pawhin Supreme Court in a remti anih chuan live streaming-a pe chhuak thei tur hian hmanraw pawimawh te bun a remtih thu a sawi chiang ve nghal a, hemi piah lamah Lok Sabha leh Rajya Sabha ten channel hrang an neih anga Supreme Court channel hrang pawh siam ve theih a nih thu Central sorkar chuan a sawi bawk.
Chief Justice Dipak Misra chuan court rorelna langtlang taka kalpui kawngah he ruahmanna hi a \angkai hle dawn tih a sawi a, thubuai neite chuan an thubuai ngaihtuah a nih dan an lo hmuh ve te, an ukil ten an thubuai court-a an put luh dan an lo hmuh ve te chu an chanvo diktak a ni a ti bawk. Hetihrual hian Chief Justice chuan thubuai mi zawng zawng hriat ve remchang lo, pawngsual thubuai leh inneihna kaihhnawih thil te erawh live streaming-a pek a rem loh tur thu a sawi tel thung.
