December ni 15 a\ang tawha lungawi lohna lantir chho mektute hian CAA leh National Register of Citizens NRC te chu hnuhlet an phut a, Delhi chhim chhak lama an punkhawmna hmunah hian thuziak chi hrang hrangte tarin Prime Minsiter Modi chu Shaheen Bagh tlawh tur leh anmahni bia-a valentine’s day puala thilpek an buatsaih lam turin an sawm a ni.
Lungawi lohna lantirna huaihawttu zing ami Syed Tasser Ahmed chuan Prime Minister Modi emaw Home Minister Amit Shah emaw, hruaitu tu pawh an biak theih thu sawiin, thil awmdan chu ram danpui kalh a ni lo tih an hmin thei a nih chuan lungawi lohna an lantir tawpsan an remti tih a sawi a, CAA chuan hnathawh tur awm loh vanga harsatna an tawh te, retheihna leh sum leh pai \hanna hniam chho zel te engtiangin nge a siam \hat dawn tih chu an zawhna a nih thu a sawi a, CAA chuan tute mah khua leh tui an nihna hlihsak dawn lo pawh nise, engtiangin nge ram tan thil \ha a thlen dawn tih chu an zawhna a nih thu a sawi.
Shaheen Bagh-a lungawi lohna lantirtute hian Noida leh Delhi chhim chhak lam kal pawhna kawngpuite an dang a, heng kawngpuite hi nitin lirthei nuai 1 sing 7 sang 5 chuangin a zawh \hin a ni.
