Sierra Leone-ah leiminin khua hnawl, ruang 270 phawrh tawh

0
420
views

Sierra Leone-ah lei minin khaw pakhat a hnawl a, ruang 270 lak chhuah a ni tawh. Sierra Leone hi Africa khawmualpui thlang lama awm a ni a, an khawpui, Freetown bula Regent khaw awmna tlang pang chu nimin zing lam khan a tawlh a, in tam tak a chhilh a ni. Freetown Mayor, Sam Gibson chuan ruang hi zawn zel a la nih thu a sawi a, ruang lak chhuah tawh, 270 pawh phum tura buaipui a nih thu leh, ruang dahna hmun pawh a tawt tawh hle tih a sawi. Sierra Leone President, Ernest Bai Koroma chuan Regent mipuite chu a rang thei ang bera hmun him zawka inthiar chhuak tur leh, ruang zawngtu sipaite tibuai lo zawnga che turin a ngen a ni.