Singapore-a Asia-Pacific Summit neih mekah US Vice President Mike Pence leh Myanmar Civil sorkar hotu lu, Aung San Suu Kyi te an inkawm a, Pence hian Rohingya Muslim-te Myanmar-a beih an ni chu a dem thu a sawi.

0
493
views

 

Pence hian Bangladesh-a Rohingya mi 700,000 vel an raltlan chu sipai tharum thawhna vang a ni tih phat rual a ni lo tih a sawi a, pawikhawihtu zawn chhuah leh hrem kawnga Myanmar sorkar hmalakna te hriat a duh thu leh Bangladesh a\anga Rohingya mi lak let leh te enkawl zui zel an nih dan pawh US-in hriat a duh thu a sawi bawk a ni. Suu Kyi chuan thil thleng reng reng-ah tupawhin thlir dan dang an neih theih thu leh an thil thlir dan inang lote pawh hriatthiam theih tura an inhrilh tawn a pawimawh thu a sawi ve thung a, US khua leh tuite’n ram dang mi aia US an hriat chian ang bawkin, an ram chu midang zawng zawnga aia an hriat chian ve thu-in Pence hi a chhang a ni.