Sister Ruth Pfau Pakistan ramin a sun hnuah vui liam a ni ta

0
751
views

Pakistan ram Mother Teresa tia sawi thin, tidamtu mak tak nia sawi, tun thla ni 10-a boral ta, Sister Ruth Pfau chu Pakistan ramin ram pum huapa a sun hnuah, Karachi khawpuiah vui liam a ni. Sister Ruth Pfau hi Germany Doctor, Pakistan rama pharte
a enkawl nasat avanga hriat hlawh tak leh damdawi in tam tak dintu a ni a, a vuina-ah pawh hian Pakistan President, Mamnoon Hussain, Sindh Governor leh CM te pawh an tel a, lawng sipai hotute leh khawmual sipai hotu liante pawh an tel hlawm a ni. Sister Pfau hian Pakistan sorkar chawimawina a dawng nasa hle a, a hnathawh avang hian kum 1996 khan World Health Organisation chuan Asia khawmualpui ram zinga phar natna thunun thei hmasa ber zingah Pakistan hi a lo puang tawh a ni.