Manipur sorkar hotute sawi danin kum 39 mi, Kishorechandra Wangkhem hi November ni 27 ah man a ni a, National Security Act tlawh chhana thubuai siamsak a ni a, Manipur Chief Minister N Biren Singh leh PM Modi te a sawiselna vidio chu facebook ah a post a, hetah hian Chief Minister chu Prime Minister Modi leh RSS ten duh duha a tih kual theih a ni tih a sawi a, Rani Lakshmibai of Jahsi piancham lawm a ni chu Manipur nena inzawmna engmah nei lo a ni tiin a sawisel a ni.
National Security Act hnuaiah hian hremna na ber chu kum khat chhung lungin tan tir a ni a, Wangkhem hi hremna na ber pek a ni a, a chhungte chuan court sang zawka khinlet an tum tih an sawi.
