Sorkar ukil sang ber dawttu, Solictor General Ranjit Kumar chuan vawiin khan banna a thehlut a, mimal harsatna a neih avanga bang niin a insawi. Pu Kumar hi kum 2014-a BJP-in sorkar laipuia thuneihna an chelh hnu lawk khan Solicitor General atan ruat a ni a, dan lam hre mi, hnathawk mek zinga chhuanawm ber pawla ngaih a ni. Kumin June thla khan Attorney General, Mukul Rohatgi pawh a lo bang tawh a, ani pawhin mimal thil avanga bang a nih thu a lo sawi a, a ban hnu lawk khan Pu Kumar pawh hi a ban ve mai rin a ni a, tun hnaiah Supreme Court lamah thubuai lian tham khawih a nei meuh tawh lo a ni. Ranjit Kumar-a hi ram danpui lam te, sorkar hnathawkte dinhmun, chhiah leh in luah man khuahkhirh lamah te mi thiam bika ngaih a ni a, Gujarat sorkar ukil pawh a ni tawh a, Tamil Nadu CM hlui, Jayalalithaa pawh khan a lo ruai tawh bawk.
Chanchin Thar Solictor General Ranjit Kumar-a’n banna a thehlut
