February ni 28 leh March ni 22-a Jel leh JKLF te dan pawna hnawl an nih hnuah Home Ministry chuan Unlawful Activities (Prevention) Act hnuaiah heng pawl pahnihte hi din khap tur an ni em tih ngaihtuah turin Delhi High Court Judge Justice Chander Shekhar-a kaihhruai Tribunal hi a din a ni.
Sorkar laipui chuan Jel te hi kum 5 chhung atan dan pawnah a lo hnawl tawh a, mifirfiakte nen inkungkaihna neiin jammu and Kashmirah leh hmun danga pawikhawihna thlen kawngah an pui \hin a ni a ti a, JKLF hian pawikhawihna engemawzatah mawh an phurh thu leh kum 1988 a\ang khan India laka inlak hran tuma hmalakna kawngah a hmahruaitu an nih thu a sawi
Union Home Secretary Rajiv Gauba chuan Yasin Malik-a kaihhruai JKLF pawl pawikhawih tawhte tarlangin kum 1989-a Kashmir Pandit te thahna leh Kashmir phairuam a\anga hnawh chhuah an nihnaah mawhphurtute an ni tih a sawi a, Indian Air Force sipai thahna leh khami hunlaia Union Minister Mufti Mohammad Sayeed-a fanu rukbonaah mawhphurtute an ni bawk tih a sawi.
