Sorkar laipui leh RBI inkar buaina kal zelah, Economic Affairs Secretary Subhash Chandra Garg-a’n RBI sum dah\hat hman tum a nih loh thu leh RBI lamin sum tihchet leh hman theih tura a bithliah zat siam rem chungchang sawipui tum a nih zawk thu a sawi.

Garg chuan hemi chungchangah hian thulengvak a tam hle niin a sawi a, sorkar laipui sum hman dan a mumal thu leh kum tina sorkar sum dehchhuah leh hman chhuah inthlauhna chu an tih tlem hret hret thu a sawi bawk a, hemi inthlauhna hi kum 2013-14 inkar khan za zelah 5.1 a nih thu leh kum 2019 March thlaah chuan a inthlauhna hi za zelah 3.3-a tihtlem hman an in beisei thu a sawi bawk a ni.

RBI hian harsatna tawpkhawka invenna atan sum tld sing hnih sangriat zasarih leh tld sing thum sang ruk (36,00,00,00,00,000) inkar vel a dah hrang a, hemi siam \hat dan kawng hi zawngin Finance Ministry chuan tunhnaiah RBI hi a bia a, inhnialna a chhuak ta a ni. RBI Deputy Governor Viral Acharya chuan Bank inrelbawlnaa sorkar a inrawlh chu a rem loh thu leh ram sum dinhmunin a tawrh ngei ngei thu a lo sawi tawh a ni.