European Union ram palaite hian ruahmanna siamsa hnuaia Jammu and Kashmir fankual satliah chu an duh lo tih sawiin, an hmuh duhte an hmuh theih hun remchangah tlawh an tum tih an sawi. Hetihlai hian Sorkar laipui chuan European Union palaite hian Jammu and Kashmir tlawh hi an phur hle niin a sawi thung a, hetihrual hian a hun a tepter deuh avangin a \hen chuan hun remchang dang melh rih an duh a ni an ti a, Jammu and Kashmir dinhmun chu a \ha chho hle tawh niin sorkar lam chuan an sawi bawk.
Article 370 paih a nih hnu thla thumna October thla khan European Union palai \henkhatin Jammu and Kashmir hi an lo tlawh tawh a, khami \um khat mi \henkhat an kawm bakah sipaiten an hmalak dan an lo hrilhfiah a, ramdang palaite hian an mimal thila tlawh an ni thung.
Tun \umah hian ram dang palai 16 in Jammu and Kashmir hi an tlawh a, US, Latin America leh Africa aiawh mi 16 an ni a, Australia leh Gulf ram palai \hahnem takin an \hulh thung a ni.
