Sorkar laipuiin Pakistan Deputy High Commissioner a ko

0
438
views

J&K Bhimber biala Pakistan sipai-te’n silai an hmehpuah vanga nausen thla riat mi a thih chungchangah sorkar laipuiin Pakistan Deputy High Commissioner, Syed Haider Shah a ko. Ministry of External Affairs chuan Haider Shah hnenah hian an ram sipai-te’n pawisawi lo nunau chunga ralthuam an chelek leh inkahhai bawhchhia-a ramri kana pawi an khawih fo chu na taka an dem thu leh he thil thlenga inhnamhnawihte zawng chhuaka hrem ngei tura an phut thu an hrilh tih a sawi a ni. MEA chuan Line of Control leh ramri hrul hmun dangah Pakistan sipai-te hian kumin chhungin inkahhai vawi 1088 lai an bawhchhiat tawh thu leh mi 36 an thih tawh thu te leh, a firfiaka chet tumna \um 53 lai an lo tih tlawlh tawh thu te a sawi bawk a, Pakistan thuneitute hnenah a firfiaka che \hinte chhawmdawlna sum leh an sahimna pe tawh lo tura an ngen thu MEA hian a sawi bawk a ni. J&K-ah hian Pakistan lam chuan laipui a la kap reng a, tun dinhmunah mi 1,00,000 velin an chenna in an tlanchhiatsan tawh nia hriat a ni.