South Korea lemchanthiam, tunhmaa North Korea ramin film chang tura a lo hruaibo tawh chu kum 92 mi niin a thi

0
220
views

South Korea lemchanthiam, tunhmaa North Korea ramin film chang tura a lo hruaibo tawh chu kum 92 mi niin a thi. Film chan thiam lar tak, Choi Eun-hee hi kum 1970 chho khan khatih hunlaia North Korea ram hruaitu Kim Jong-il thupek in hruai bo a ni a, a pasal, film director hmingthang tak pawh a hnu thla engemawzatah hruaibo zui leh a ni a, an nupa hian harsa takin an tlan chhuak thei hram a ni. North Korea chuan he mi te nupa hruaibo thuah hian a inhnamhnawih lo niin a sawi thung a, anmahni zawkin tawmhim nan North Korea chu an hmang niin a sawi thung. Choi hi thawh\anni khan South Korea ram damdawiin ah a thi a ni. Choi hi kum 1970 chhovah khan Hongkong sumdawng lian tak nia in chhal in film siam turin a thlem chhuak a, ni 16 hnuah chuan Pyongyang-a hotel changkang takah hren beh a ni a, khatih hunlai khan a pasal nen in\hen tawh mahse, an la inhnimhnaih chhunzawm reng avangin a pasal Shin hi a nupui hlui zawng hian Hongkong ah a kal a, amah pawh hi hruaibo zui a ni ve leh a ni. Kum 8 ral hnuah North Korea hruaitu Kim chuan Vienna ah an zin a phalsak a, Vienna US Embassy ah tlan lutin, hemi hnu hian South Korea ah an let leh ta a, Shin hi kum 2006 khan a lo thi tawh a ni.