South Korea thuneituten North Korea hruaitu, Kim Jong Un-a chanchin sawi danah fimkhur a \ul tih sawiin, North Korea nena an an inri-naah thil thleng danglam engmah a awm lo tih an sawi.

0
30
views

South Korea Unification Minister, Kim Yeon-chul chuan sorkarin sipaite chet dan thlirin thil danglam thleng a awm lo nia an hriat thu a sawi a, hetihlai hian South Korea President, Moon Jae-in-a foreign policy adviser, Moon Chung-in chuan Kim Jong-un chu a dam a, Wonsan-ah tun thla ni 13 a\ang khan a khawsa tih a sawi a, sorkar dinhmun pawh a nghet a, thil danglam thleng a la awm lo tih a sawi.

North Korea hruaitu, Kim Jong-un hi tun thla ni 15 khan an state holiday pawimawh berah a inlan loh avangin a chanchinin ngaihven a hlawh hle a, hemi hnu hian vantlang hmaah hmuh tur a awm lo zui zel a, kar kalta khan South Korea chanchinbumite chuan Kim chu a lung zai a nih thu an chhuah a, \henkhat chuan coronavirus laka a him nan a inkhunghrang niin an sawi bawk