Spain lak atanga zalenna puan tum hnai- Catalonia President

Spain ram hmarchhaka Catalonia bial-in Spain a\anga zalenna puan a tumna kal zelah, Catalonia President, Carles Puigdemont-a chuan tun kar tawp lam emaw kar leh lamah emaw hian Spain lak a\anga zalenna puan an tum thu, BBC-a hrilh. Pathianni khan Catalonia bialah hian Spain a\anga zalenna puan chungchangah mipui ngaihdan lak a ni a, Catalonia mipui zaa 91.96-in Spain lak a\anga zalen an duh a, vote thlak chhung khan buaina nasa tak a thleng a, police-te chuan ngaihdan lakna hi tihtawp tumin an bei a, mi eng emaw zatin police kut an tuar nia sawi a ni. Mipui ngaihdan lakna hi kumin June thlaa rawt tawh kha a ni a, thla hmasa ni 6 khan Catalonia Parliament \hutkhawmnaah pawm a ni a, Parliament \hutkhawmna a\ang hian Catalonia-a eptu party-te chu inhnuk dawkin, an pawl thlawptute chu vote thlak ve lo turin an chah a, Parliament-ah hian member hmun thuma \hena hmun hnihin an pawm loh chuan bawhzui theih a nih loh avangin eptu pawlte hian an sawisel nasa hle a ni. Spain ram danpui hnuaiah chuan hetianga mipui ngaihdan lak hi dan kalh nia sawi a ni bawk. Spain ram lal chuan ngaihdan lakna hi dan pawna tih a nih avangin pawm theih a ni lo niin a sawi a, Catalonia-a thil thleng hi a khirh hle niin a sawi bawk.