Spain Prime Minister in Mediterranean tuipuia tangkhang mek, Europe rama pemluh tum te chu an ramin a chhanchhuak dawn tih a sawi

0
246
views

Spain Prime Minister in Mediterranean tuipuia tangkhang mek, Europe rama pemluh tum te chu an ramin a chhanchhuak dawn tih a sawi.

Pedro Sanchez chuan heng pemluh tumte chhanchhuaktu lawng Aquarius-a chuang mi 629 te chu him taka khawmuala hruai kai an ni dawn tih a sawi a, he lawng hi Italy leh Malta te chuan an lawng chawlh hmuna an luh an phal lo a ni. UN Refugee agency leh European Union chuan he lawnga chuangte khawmuala him taka kaitir thuai an nih theihna tura hma la turin ram pahnihte hi an lo ngen tawh a ni. Hapta liamta maia Spain Prime Minister atana lakluh Sanchez chuan he lawng hi Valencia lawng chawlhna ah luh tir a ni dawn tih a sawi. Europe-a pem luh tum mi 629 zet te hi hampuar lawngleng engemawzat a\angin tlawmngai pawl pakhat SOS Meiterranee chuan chhanchhuakin lawng lian pakhat Aquarius tihah an dah khawm a, Italy Interior minister Matteo Salvini chuan he lawng hi Malta ram buaipui tur zawk a ni a ti a, Malta chuan heng mite chhan chhuahna hmun hi Libya chan chin tuipui a ni a, Italy lam mawhphurhna a ni a ti ve thung a, Italy a\anga mel 35 leh Malta a\anga mel 27 a hla tuipuiah Aquarius hi a tangkhang a ni.

Spain Prime Minister Sanchez chuan tuipuia tangkhang mek Europre rama pem luh tumte nunna chhanchhuah chu an ngai pawimawh tih sawiin, mihring nunna chhan nan an lawng chawlh hmuna him taka luhtir an remti tih a sawi. Tuipui a\anga chhanchhuah te zingah hian 123 chu naupang kum tling lo an ni a, 11 chu nausen an nih bakah raipuar hmeichhe 7 an tel bawk a ni.