Srinagar ah mipui thinrim pungkhawmin CRPF motor pakhat an bei, mi pathum thi

0
435
views

Srinagar ah mipui thinrim pungkhawmin CRPF motor pakhat an bei a, insaseng an tumna lamah motor hian mi pathum a chil hlum zui avangin buaina a sosang hle. Police te chuan CRPF Srinagar Unit lakah hian thubuai an ziak lut nghal a, tualthah thubuai leh tualthah tumna thubuai an ziak lut a ni. He thil thlenna hmun hi Srinagar Nowhatta hmunah a ni a, Home Minister Rajnath Singh a’n Kashmir \halaite rilru hmin tuma helai bial hi tlawh a tum lai mekin he thil hi a thleng a ni a, Home Minister hian June ni 29 a\anga neih \an tur Amarnath Yatra inbuatsaihna enpui tur leh Hurriyat hruaitute titipui turin Srinagar hi tlawh a tum a, tun \uma buaina thleng leh ta hian Home Minister hmalak tumna pawh a ti \huanawm tura rin a ni. Police te sawidanin CRPF motor hi an officer pakhat hmun pakhata a hruai haw lam a ni a, mipui lungawi lo pungkhawm zinga mi te hi a chil ta a ni. Video thlalak a\anga a lan danin he motor hi mipui pungkhawm hian an hual hneh hle a, motor khalhtu hian mipui kar a\anga tlan chhuah a tum a, mipui zinga mi \henkhat chuan motor hi lungin an vawm bawk a ni. National Conference hruaitu Omar Abdullah chuan Chief Minister Mehbooba Mufti chu na takin a sawisel nghal a, Inkahhai puan laiin silai hmang lo mahse motor an hmang thung a ni a ti.