State 7-a loneitu intelkhawm in nawrh an huaihawt \anni vawiin khan loneitute thar chhuah bawnghnute litre sang tam tak leihbuak a nih bakah thlai thar tam tak khawlaiah tih chhiat a ni.
Ni 10 chhung awh tur nawrh huaihawtna hmun State 7 zingah hian Punjab, Haryana, Rajasthan leh Madhya pradesh te pawh an tel a, loneitute hian loan ngaihdam te, minimum support price siam sak leh sorkar a\anga \anpuina, permanent minimum income hmuh te an phut a ni. Nawrh huaihawttu Rashtriya Kisan Mahasang hi loneitu pawl hrang hrang 130 intelkhawmna a ni a, bawnghnu te leh thlai thar reng reng chu ni 10 chhungin khawpuia chawk luh an phal dawn lo tih an sawi. Loneitute hian motor kawngpui dan an tum loh thu an sawi rualin, kawng pawimawh zual 30 ah te lungawi lohna lantir an tum thu an sawi thung. Nawrh huaihawtna state te hi Haryana, Rajasthan, Jammu and Kashmir, Madhya Pradesh, Maharashtra, Karnataka leh Kerala te a ni a, Maharastra Nashik District a loneitu mi 35,000 zet chuan ke-a km 180 zet kalin Mumbai an pan a, an thil phut te hi sorkar hnenah thlen an tum a ni.
