Shivender Singh leh Malvinder Singh te hi damdawi siamna hmunpui, Ranbaxy-a thawk \hin an ni a, hetihlai hian India rama sumdawngtu hausa ber te zingah thlan an lo ni tawh a ni.
Hemite unau hian hmun hran hranah damdawi in lar tak tak an nei bawk a ni. Delhi Police-a economic offences wing ten Singh-a te unau hi Ningani tlai khan an man a, inbumna thubuai te, dan bawhchhiaa mi phiarruk thubuai leh thuthiam hlen lohna thubuai te an siamsak a ni.
Singh-a te unau hian an thubuai zawng zawng hi an pha thung a ni. Financial service firm-a Religare Finvest chuan Singh-a te unauvin sum an eiru nia puhin, complain an thehlut a, he firm hian company tan corporate loan a pe a, loan chu a hmanna tur ni lovah an hmang nia sawi a ni.
