Sumo ring-a hmeichhia luh tir phal loh vangin ngaihdam dil

Japan-a sumo ring chhunga a thusawi laia tlu thut, Maizuru City Mayor Ryozo Tatami buaipui tura damdawi lam thiam hmeichhia ring chhunga tlan lutte chu refree in a chhuah tir a, Sumo Ring chhungah hian hmeichhiate an luh ve phal a nih loh vang a ni. Ring chhung hi hmun thianghlim bik anga ngaih a ni a, hmeichhiate an luh ve chuan an ti bawlha ngaih a ni. Japan Sumo Association hotu Nobuyoshi Hakkaku chuan he thil thlengah hian ngaihdam a dil a, thih leh dam kar thil ang chiah chuan tih loh zawk tur a ni a ti. Ring chhung a\anga hmeichhiate chhuah tir an nih hnu hian Ring chhungah hian chi phul zui a ni a, Japan ho tunhma ngaihdanah chi hian ring chhung hi a ti thianghlim leh a ni. Mayor Tatami hi damdawiin ah hruai a ni a, a dinhmun a \ha a, tun \um hi Sumo ring chhunga hmeichhiate luh phal loh avanga inhnialna a chhuah \um khatna a ni tawh lo a, kum 2000 ah pawh khan khatih hunlaia osaka hmeichhe Governor Fusae Ota chuan lawmman sem tura ring chhunga luh Sumo Association hnenah hian a lo dil tawh a, khami \um pawh khan sumo association hian a lo phal lo tawh a ni.