Natasha Suri hian Flynn Remedios intiin thil mawi hnai lo tak takah a hming a telh \hin niin a sawi a, Indiascoops.com leh Indiaspeaks.live-a puitling chauh en chi-ah Natasha Suri hming chu Flynn Remedios hian dahin, Natasha Suri hming chuanna chu website danga phochhuah turin a thawn bawk a ni.
Natasha leh a ukil Madhav V. Thorat te chuan Remedios lakah Mumbai-a Dadar Police station-ah thubuai an ziak lut a ni.
Natasha chuan nikum November thla a\ang khan Remedios hian a hming hi a hmang \an niin a sawi a, a chanchin dik lo takin a ziak \hin nia sawiin, bathroom-a hmeichhe saruak thlalak, a hmel tihlan chian loh te pholangin amah angin a ziak \hin tih a sawi a, chumai bakah Natasha Suri Singh tia a sawi chu tumah an awm lova, amah chu Flynn Remedios hian a beih ber a ni a ti bawk.
Natasha-i thubuai hi nikum December ni 24 khan Bandra-Kurla-a Cyber Crime Investigation Cell-ah pek a ni a, amaherawhchu, Nilaini khan Dadar Police Station-ah FIR a ziak lut leh a ni.
