Supreme Court in High Court hrang hrangte chu naupang khawih chingpen thubuai reng reng, rang taka ngaihtuah thin turin a hrilh

0
414
views

Supreme Court in High Court hrang hrangte chu naupang khawih chingpen thubuai reng reng, rang taka ngaihtuah \hin turin a hrilh. Chief Justice Dipak Misra kaihhruai bench chuan high court te chu mipat hmeichhiat thila naupang khawih chingpen thubuai te rang taka ngaihtuah a ni em tih vil uluk tur leh special court ah ngaihtuah a ni ngei em tih vil turin a hrilh a, Supreme court hian high court te chu an hnuaia trial court ten Protection of Children from Sexual Offences (POCSO) Act hnuaia thubuai te a ngaihtuah hun an sawn hlat fo lohna tura hriattirna pe theuh turin a ti bawk a. Justices AM Khanwilkar leh DY Chandrachud te telna hian high court te chu judge pathum te telna committee, husualna lam hawia naupang laka pawikhawihna chinfel a nih dan enzuitu tur din turin a ti bawk.