Supreme Court-in kum 2017-a Prime Minister Narendra Modi-a’n a puan, insurance scheme, Ayushman Bharat hnuaiah damlo damdawi ina enkawlna senso an tih tlem deuh theih leh theih loh private hospital association leh sorkar laipui a zawt a, kar hnih chhunga an chhanna pe turin a hriattir.

Damdawi ina inenkawlna senso ti tlem tura Supreme Court-a dilna thlentu Sachin Jain chuan private hospital ten coronavirus kai damlo an enkawlna senso sorkarin a bituk theih nan Supreme Court chu hma la turin a ngen bawk a ni.

Chief Justice of India SA Bobde chuan Ayushman Bharat rate angin damdawi in te chuan damlo enkawlna senso bituk turin an inpeih em tih chu a hriat duh thu a sawi a, healthcare group aiawha ding, Senior advocate Harish Salve chuan private hospital sum lakluh chu damdawi ina inentir an tlem avangin zaa 70-in a tlahniam tih a sawi a ni.