Supreme Court in Muslim mipaten nupui pakhat aia tam an neih chungchangah Sorkar laipui leh Law Commission te thil awmdan sawifiah turin a ti

0
265
views

Supreme Court in Muslim mipaten nupui pakhat aia tam an neih chungchangah Sorkar laipui leh Law Commission te thil awmdan sawifiah turin a ti a, Supreme Court Consitutution Bench in he thil hi a ngaihtuah dawn a ni. Nupui pahnih aia tam neih chungchang bakah hian Nikah halala an tih chungchang pawh Supreme Court-a thubuai thehluttu hian a tarlang tel a. Nikah halala hnuaiah hian hmeichhia a pasalin an \hen tawh chuan an innei nawn leh duh a nih pawhin chu hmeichhia chuan mipa dang a neih phawt-a, nupa nun an hman hnuah chauh a pasal ngai chu a nei nawn leh thei a ni. Supreme court chuan he thu hi Muslim mipa ten thawk leh khata an nupuite an \hen theihna dan, Triple Talaq ngaihtuahtu Judge 5 awmna Bench in ngaihtuah nawn leh theih tura a lo dah tawh a nih thu a tarlang tel a ni. Triple Talaq hi ram danpui kalh a ni tin Supreme Court in a lo khap tawh a ni.