Syria-a ni 5 an cham hnuah tur ralthuam endiktu tur, chemical weapon inspector te chu naktuk hian Syria in tur ralthuam hmanga a beih nia sawi hmun chu tlawh phalsak an ni dawn

0
252
views

Syria-a ni 5 an cham hnuah tur ralthuam endiktu tur, chemical weapon inspector te chu naktuk hian Syria in tur ralthuam hmanga a beih nia sawi hmun chu tlawh phalsak an ni dawn tih Russia in a sawi. Tur ralthuam endiktute hian Inrinni khan Syria hi thleng tawh mahse, Syria in tur ralthuam hmanga mi tam tak a hrai hlumna hmun nia sawi, Douma khua chu an tlawh phalsak an ni lo a, US chuan hetianga endiktute tih khawtlai an nih chhung hian Russia chuan hnuhma pawimawhte khawih chingpen hman ang tih a hlauhthawn thu a sawi. Syria leh a \anpuitu Russia te chuan tur ralthuam hman thuah hian an inhnamhnawih lo niin an sawi a, Russia chuan lemchan thil tih niin a sawi. Syria rama mipui tana beitu Activist te chuan bomb laka inchhan him tuma in chhawng hnuai lama biru te tur ralthuam hmanga beihzuinaah hian mi 40 an thih bakah mi 100 tel tam tak an hliam niin an sawi a, video thlalak \henkhat a\anga a lan dan leh thil thlen lai hmutute thusawi a\angin tur ralthuam hmang hian in chhawng hnuai lama biru te hi beihzui an ni tih a lang a ni. Tur ralthuam hman a nih avang hian US, UK leh France te chuan Syria in tur ralthuam a siamna hmun te Missile leh indo thlawhna hmangin an chhut chhiatsak bei a ni. Russia leh Syria te hian venhimna thila tih tur \ul la awm chhuanlama siamin tur ralthuam endiktu turte hi tur ralthuam hmanna hmunah hian an luh mai an phalsak lo tih Organisation for the Prohibition of Chemical Weapons OPCW Director General Ahmet Uzumcu chuan a sawi. Hetihlai hian Syria chuan khatih hunlaia a hmuna awm, mi 22 te chu thu zawhfiah tura koh theihin an awm reng niin a sawi ve bawk. Tur ralthuam endiktute hian naktukah thil thlenna hmun hi an tlawh thei a nih pawhin, ralthuam hman a nih a\angin ni 11 zet a liam hman tawh dawn a ni.