Syria President Bashar al-Assad hnena France in chawimawina sang Legion d’honneur a lo pek tawh chu Syria in a pe kir

0
247
views

Syria President Bashar al-Assad hnena France in chawimawina sang Legion d’honneur a lo pek tawh chu Syria in pe kirin, America thu thua awm ram hnen a\anga chawimawina dawn a duh lo tih a sawi. France in Award a pek tawh hnuk kir leh tura hmalak mek a nih thu a puan hnu lawkah Syria hian hetiang hian hma a la a ni. Tur ralthuam hman avanga tunhnaia Syria beitu zingah France hi a tel a, Award hi Romania Embasy Damascus kaltlangin Syria hian France hnenah hian a pe let a ni. President Assad hi kum 2001 daih tawhah khan chawimawina hi pek a ni. Legion d’Honneur hi kumtin mi 3,000 vel hnenah France ram tana an thawh \hat avanga hlan \hin a ni. US, UK leh France te hian Syria in Douma-a tur ralthuam a hman avangin Syria ramin tur ralthuam a sawngbawlna hmunte an bei a, kha beihna ah khan mi 40 vel an thi nia sawi a ni. Syria sorkar erawh chuan tur ralthuam hi a hmang lo nia sawiin, lemchan thil niin a sawi thung.