Sipaite inkahna hmun hi Syria hmarthlang lamah a ni a, Turkey Governor, Rahmi Dogan chuan Idlib province-ah thi an tam ber tih sawiin, thi zat hi hriatchian theih an la nih chiah loh avangin a la pun belh zel a rin thu a sawi bawk.
Syria hi Russia-in a thlawp a, hel pawl te lak a\anga Idlib lak let tumin hma an la a ni. Idlib-a hel pawlte hi Turkey sipaiten thlawpin an puibawm a ni.
Syria-in Idlib province an beih hnu hian Turkey President, Recep Tayyip Erdogan chuan top level security meeting a koh a, Defence Minister, Hulusi Akar leh Turkey military commander te chu Syria ramri-ah an kal a, Syria sipaite kap let turin thu an pe a ni.
Turkey President Erdogan chuan Syria sipai sorkar chu Turkey-in sipai hmunpui a siamna hmun a\anga tawlh hnung turin a duh tih a hriattir a, a ngenna an tih hlawhtlin loh chuan kahah a lo vau tawh a ni.
Syria leh Russia sorkar chuan Turkey ngenna chu hnawlin kum 2018-a inkahhaina hmun an siama buaina chawkchhuak hmasaah Turkey chu a puh a ni.
