Syria rama ramdang sipai thihna chungchang ziaktu, Russia chanchinbumi pakhat chu a chenna inchhawng 5-na a\anga a tlak avangin Damdawiin ah a thi. Maxim Borodin hi chanchinbumi, thil chhui chiang \hin, Investigative Journalist a ni a, hliam na tak tuarin a chenna \henawma cheng ve ten an hmuh hnuah damdawiin an panpui a, damdawiin ah hian a hliam tuar lovin a thi zui a ni. Thuneitute chuan thu rochhiah engmah a hnutchhiah loh avangin mahni intihlum a ni em tih a hriat lo a, thil awmdan hriat theih chinah midang kutthlak vang a nih theihna awm hmuh a ni lo tih an sawi. Hetihlai hian a \hian hnai pakhat chuan a thih hma ni chiah hian Borodin hian a chenna hmun chu sipai ten an hual vek tih a sawi niin a sawi thung a, April ni 11 ah khan Borodina hian amah a be pawp nia sawiin, mi \henkhat ralthuam keng, ramrawng kawr ha te a chenna hmun in chung lawnna velah an awm tih a hrilh niin a sawi. A thawhna chanchinbu Novi Den Chief editor chuan Borodin-a thih danah midang an inhnamhnawih lo tih a sawi theih loh thu sawiin, amah leh a mah a intihhlum chhan tur a hriat loh thu a sawi.
Chanchin Thar Syria rama ramdang sipai thihna chungchang ziaktu, Russia chanchinbumi pakhat chu a...
