US leh Taliban hel pawlten Afghanistan-a US sipaite la kir tur hian inremna an lo nei tawh a, amaherawhchu thutlukna siam chu US President Donald Trump-a kutah a awm a ni.
Afghan leh America inkara palai hnathawktu, Zalmay Khalilzad-a’n TV-a a interview-naa Taliban leh US indawr dan hi chipchiar takin a puangzar a, interview tihchhuah lai hian Kabul-ah bomb tihpuah a ni a, Taliban-in an tihah an chhal a ni. Bomb hi tractor-ah kam a ni a, mi 16 vel an thi a, mi 119 vel an hliam bawk.
Bomb tipuaktute hian ramdangmite chenna in leh a chhehvel an bitum a, ramdangmi 400 chuangte chu an chenna a\angin hmun danga sawn chhuah an ni. Heng lai hmuna chengte chuan motor ke an hal bakah kawngpui an dangping a, ramdangmite chu chhuak turin an ngen bawk a ni.
US leh Taliban te inremna hi tihpuitlin a nih pawhin tharum thawhna hi a reh chuang lovang tih mi tam takin an hlauthawng lawk a, inremna neih a\angin Afghanistan-ah hian inbeihna \um thum a thleng tawh a ni.
