Tamil Nadu-a rorellai AIADMK MLA 18, MLA an nihna hlih sak te chungchang ngaihtuahtu Madras High Court Judge pahnih ngaihdan a inang lo

0
311
views

Tamil Nadu-a rorellai AIADMK MLA 18, MLA an nihna hlih sak te chungchang ngaihtuahtu Madras High Court Judge pahnih ngaihdan a inang lo a, Judge pathumna in thutlukna a siam hma chuan sorkar fiahna nei rih lo turin High Court in a ti.

AIADMK a\anga an hel avanga bantir MLA 18 te hian High Court ah hian an thubuai hi an thlen a, High court hian an hmun ruak chu a ngai anga awm tir rih tur leh court in thutlukna mumal tak a neih hma chuan sorkar fiahna nei rih lo turin thupek a ti chhuak a,. Chief Justice Indira Banerjee chuan heng MLA te bantirna hi a nemngheh laiin Judge pahnihna in a pawmpui thei lo a, Judge pathumna in thutlukna a siam a ngai dawn a ni. Rorellai pawl AIADMK hian member 234 awmna house ah member 116 a nei a, majority a nei phak lo chiah a, MLA 18 te ban an nihna hi hnawl anih chuan sorkar dinglai chu a tla dawn chiang sa a, Ban an nihna hi nemngheh anih chuan sorkar dinglai tan hlauhthawn tur a awm dawn lo thung.