Telangana-a revenue officer pakhat, kum hnih liamta-a hnathawk \ha chawimawina lo dawng tawh chu anti corruption bureau ten a chenna in dapin cheng vaibelchhe tel tam tak an man.

0
90
views

He officer, V Lavanya-i chenna in, Hyderabad a\ang hian tangkafai cheng nuai 93 sing 5 leh rangkachak gram 400 man a ni a, amah hian Ranga Reddy district-a revenue officer nilai a ni.

Hemi hmalam hian Revenue officer dang, Lavanya-i hnuaia mi Antaiah chu loneitu pakhat hnen a\anga cheng nuai 4 a la lai man a ni a, he loneitu hi a ram chhinchhiah dan tih danglam sak turah cheng nuai 8 pe turin Antaiah hian a ti a, cheng nuai 5 chu Lavanya-i chan tur leh cheng nuai 3 chu ama chanturin a ti a ni. Loneitu hian Anti Corruption Bureau te a hriattir hnuah Antaiah hian cheng nuai 4 a dawnglai hi enthlak a ni a, Anti Corruption bureau te chuan Lavanya-i hi thu an zawtfiah nghal a, engmah hre ve lo angin in sawi mahse, Hyderabad-a a chenna in an dap chuan tangkafai tam tak leh rangkachak te hi an hmu chhuak ta a ni.