Thawhlehni tuk khan Delhi-ah Nu pakhat in a fanu naupang te te pathum kum 8, kum 4 mi leh kum 2 mi te chu damdawiin ah a luhpui a, Doctor ten an endik dawnin an thi vek tawh tih hriat chhuah a ni.

0
384
views

Hmeichhe naupangte thih chhan hi Police ten an zawh chuan an nu chau tawh tak hian eitur min pe rawh u tiin a chhang a, heng hmeichhe naupang pathumte hi ril\amin an thi tih Doctor te chuan an nemnghet a, ni 8 chhung engmah ei lovin an lo awm tawh a ni. Naupang thi te taksa endikna a\angin an mamawh tawk thau an pai lo a, an pumpui pawh a ruak vek tih doctor te chuan an sawi a, eitur \ha engmah an ei lo tih a lang thei tih Lal Bahadur Shastri Hospital Superintendent Amita Saxena chuan a sawi. Ram khawpui lian bera ril\ama thi an awm hian a hria apiang rilru a khawih a, heng mite hi Bengal a\anga Delhi Mandawali-a lut an ni a, an pa ber rickshaw hnuka eizawng chu a awmna chin hriat lovin a bo a ni. BJP leh Congress hruaitute chuan he mi te chhung hi tlawhin Aam Aadmi party an dem thu an sawi ve ve a, Delhi BJP hotupa Manoj Tiwari chuan central sorkarin man tlawmin eitur a pe a, a mamawhtute hnena pek chu Delhi sorkar mawh a ni a ti a, Congress hruaitu Ajay Maken chuan chanchin lungchhiatthlak tak a ni tih sawiin, Delhi sorkar kalphung mumal loh zia a lang a ni a ti. Hetihlai hian AAP hruaitu Sanjay Sharma chuan a mamawhte hnenah an kawtkai ngeia ration pek tuma a hmalakna chu BJP in a dang tlat niin a sawi ve thung.